Pula Ang Aragyan Kun SONA
by Ulysses Espartero
24 Hulyo 2012
Kadya ko lang namulalngan
pula gali ang kolor kang karpet
nga ginatapakan kang mga tongresman
senador kag mga tamawo nga budlit ang busong
kun panahon kang
SONA
ukon “State of the Nation Adress”
pyesta nga
imbento kang imahinasyon
kang mga mainaramon
nga takawan sa gobyerno.
Tama pula!
pula ang simbolo kang pagpakig-away
kang mga komunista!
Pero kadya ko lang naman-an
ay abaw ang mga tood-tood gali nga
komunista, pasista kag kapitalista
naka pina barong, naka amerikana
naka saya
mga nagapakuno-kuno
nga tagapangapin
sa kinamatarong kang mga Pilipino
Pero kay PNoy nagadungango
nagapalakpak
nagahulat
kang imbitasyon
sa ponsyon
sa Malacanang Palace.
