Poetic Journey: 2012

Poetry in Translation: Three Short Poems by Mao Tse Tung

Tatlo Ka Mogo Nga Binalaybay

ni Mao Tse Tung

ginsaylo sa Kinaray-a ni Ulysses Viriña Espartero

18 Hulyo 2012

Bukid

Ginbalbal ko ang akon madasig nga kabayo

Pero wara nagpondo.

Kag nagbalikid sa pagtingala

Ang langit sa karayo tatlo ka dupa.

II.

Bukid

Nagarusod ang dagat

Kag nagabukal ang suba

Di maisip nga kabayo ang nagaralagsanay

Omang nga gapaagto sa tuktok kang inaway.

III.

Bukid

Padalom ang tuslok kang berde nga langit, mabatyagan

Pwede mauslog ang langit

Pero sa tadlong lamang kang mga bukid.

-------
a translation of “Three Short Poems” (1934-1935)
originally written in Chinese
by communist leader Mao Tse Tung

Poetry in Translation: Owa't Sueod Nga Pinggan by George Calaor

Wara’t Sulod Nga Pinggan

ni George T. Calaor

ginsaylo sa Kinaray-a ni Ulysses Espartero

23 Hulyo 2012

ginpabay-an nga maus-os

ang ana bayo pagkakita

kang gaburokol nga

kahita

gin iwol-iwol na ang ana boli

sa ana atubangan.

Sa dulom

Ang mga harambalon nagdabdab

Wara’t huya nanda nga ginhutik,

Ginbalewala

Ang laragway ni Kristo

Sa puti nga dingding

Kinahanglan nanda ang amo nga

Balhas

Para sa andang galitik

Nga pinggan.

-------
a translation of “Owa’t Sueod Nga Pinggan”(An Empty Plate) originally written in Aklanon by a revolutionary poet who is known as George Tumaob Calaor

This poetry in translation is a work in progress as there are Aklanon words that I find difficult to translate in the regional language of Kinaray-a. Be that as it may, I wish to extend my cordial invitation for you to read my thoughts on poetic verses and check my blog site STROKES OF MY HAND via http://yulespartero.blogspot.com

Poetry in Translation: Owa Mabatian Nga Tangis by George Calaor

Wara Mabatian Nga Hibi

ni George T. Calaor

ginsaylo sa Kinaray-a ni Ulysses Espartero

23 Hulyo 2012

Gin-ubahan

Kang nagakalayo nga baratyagon

Kang ana dalok

Nga mga bulsa – ginkurog ako

Ang langit

Naghibi

Kag ang uran

Hay nagtao kang aragyan

Sa ibabaw kang tag-irinit – ako naglitik

Sa dalom kang mga dahon

Kag mga nag-uruslog nga sanga

Pero ang akon ugayong

Hay nalabawan

Kang mga ginsampaw-sampaw nga papel

Para sa andang bulsa.

-------
a translation of “Owa Mabatian Nga Tangis”(Unheard Cry) originally written in Aklanon by a revolutionary poet who is known as George Tumaob Calaor

Poetry in Translation: Liham Pag-ibig by Franco Sangreo

Sulat Paghigugma

ni Franco Coralde Sangreo

ginsaylo sa Kinaray-a ni Ulysses Espartero

18 Hulyo 2012

Indi maghibi

sa pagpanaw kang higayon

hay dya malawig

kumpara sa dali lang

nga indi run magbalik.

Kun indi man magbalik

ang gapangibabaw

hay ang ginhurma

kang tood nga letra

nga nagabalik

sa tagiposoon nga gapitik.

-a translation of “Liham Pag-ibig” originally written in Tagalog by Franco Sangreo Coralde

Poetry in Translation: Sakada by George Calaor

Sakada

ni George T. Calaor

ginsaylo sa Kinaray-a ni Ulysses Espartero

23 Hulyo 2012

kapti kang hugot ang imo nga espading

kag hawani ang mga panamgo

nga ginakapyutan kang kalisod

rugya sa liway nga kampo

tapsa ang mga pagduhaduha

nga nagapaluya kang lawas

kag pas-anon ang mga kalisod

nga nagapabaskog kang dughan

nagadara kang paglaom

kag sa pangamuyo mo

buksi ang imo tagiposoon

kag isugid sa Ginoo

ang bug-os mo nga ginapangayo

nga ang katubuhan hay mangin saksi

sa pag-abot kang oras,

sa mabahol nga kadarag-an --

kag padayon nga kahilwayan.

-a translation of “Sakada” originally written in Aklanon by a revolutionary poet who is known by the name of George T. Calaor

Poetry in Translation: Sa Quezon by Rustum Casia

Sa Quezon

ni Rustum Casia

ginsaylo sa Kinaray-a ni Ulysses Espartero

23 Hulyo 2012

Sa diin man itablog ang panurukan,

daw ugbos kang kamote

nga nagmurutwa ang mga army

may rogto sa plasa, sa

merkado, sa galingan kang paray, sa

koprahan, sa suba kag

sentro.

Samtang ang toyo nga ko kuneho

nagaburhot ang traysikel

isa ka sako nga dugo ang

ginluad ni Nestor

CAFGUng nagabasa kang

dyaryo ang sa may information

table.

Indi mo makita ang doctor.

-a translation of “Sa Quezon” (In Quezon) originally written in Tagalog by a revolutionary poet who is known by the name of Rustum Casia

This poetry in translation is a work in progress as there are Tagalog words that I find difficult to translate in the regional language of Kinaray-a. Be that as it may, I wish to extend my cordial invitation for you to read my thoughts on poetic verses and check my blog site STROKES OF MY HAND via http://yulespartero.blogspot.com

Poetry in Translation: Sa Kawa Lang by Franco Sangreo

Sa Kawa Lamang

ni Franco Coralde Sangreo

ginsaylo sa Kinaray-a ni Ulysses Espartero

18 Hulyo 2012

Pabaskugon ang kalimpyo

bag-o dya pagasaruhan

pasauton ang init

ang duga gatungan

balon nga matam-is, dumdum,

mas manami kon lotoon …

… sa kawa lamang.

-a translation of “Sa Kawa Lang” originally written in Tagalog by Franco Sangreo Coralde

Poetry in Translation: Sa Tangan Kong Bata by Franco Sangreo

Sa Ginakongkong Ko Nga Lapsag

ni Franco Coralde Sangreo

ginsaylo sa Kinaray-a ni Ulysses Espartero

18 Hulyo 2012

Sa liwat nasiplatan

sa puyong kang imong mga mata

ang Imo nagaisaranhon nga pagtan-aw

Sa liwat nakaptan

sa gamay ngaran nga mga tudlo

ang alima Mo kaharianon.

Batian ko, darayawon

sa anang una nga paghibi

limog mo nga wara’t katupong.

Nabatyagan ko ang Imo kupkop,

gugma nga di matungkad

sa ginakongkong ko nga lapsag.

-a translation of “Sa Tangan Kong Bata”
originally written in Tagalog by Franco Sangreo Coralde

This poetry in translation is a work in progress as there are
Tagalog words that I find difficult to translate in the regional
language of Kinaray-a. Be that as it may, I wish to extend
my cordial invitation for you to read my thoughts on poetic
verses and check my blog site STROKES OF MY HAND via htp://yulespartero.blogspot.com

Poetry in Translation: Doon Sa May Kanayunan by Islawlayag

Rogto sa may Kabaryuhan

ni Islawlayag

ginsaylo sa Kinaray-a ni Ulysses Espartero

31 Hulyo 2012

Rogto sa may kabaryuhan

May dyan pa gali nga baganihan

Ginbuhi kang tradisyon

Sa bag-o nga ngaran

Oplan Baganihan

Pursigido nga pagbolig

Kang militar kag gobyerno

Ligaw-balay kang pumuloyo

Sa malinong nga lugar

Anom ka pulgada ang kadalom

Kun sin-o ang gusto nga mag-una

Magsinggit lang kang pagpamatok

Sangka bala kaw lang

Tapos ang istorya.

Rogto sa kabaryuhan

Ang Oplan Baganihan

Kamaratay.

-a translation of “Doon Po Sa Kanayunan” originally written in Tagalog by a revolutionary poet who is known by a pen name “Islawlayag”

Poetry in Translation: Palaging May Ulan by Michael M. Coroza

Pirmi Nga May Uran

ni Michael M. Coroza

ginsaylo sa Kinaray-a ni Ulysses Espartero

19 Hunyo 2012

Pirmi nga may uran ang pagbiya

Amo nga ginabaha kang kasubo ang syudad

Kang madasigan nga pakig-imaw kag lumay

Indi kaw magbalikid kag basi matunaw

Nga asin ang damgo nga pagbag-o.

Pirmi nga may uran ang pagbiya

Amo nga ginabaha kang kasubo ang syudad.

Bangkay nga magalutaw ang pagkakanugon

Kadya nga nalunod run ang tanan nga kainit

Kag kumkom sa dughan ang basa nga yab-ok.

Pirmi nga may uran ang pagbiya

Amo nga ginabaha kang kasubo ang syudad

Kang madasigan nga pakig-imaw kag lumay.

-a translation of “Palaging May Ulan” originally written in Tagalog by Michael M. Coroza from the collection Mga Lagot na Liwanag, 2002

Poetry in Translation: Salot ng Bayan by Gem Aramil

Peste Kang Banwa

ni Gem Aramil

ginsaylo sa Kinaray-a ni Ulysses Espartero

23 Hulyo 2012

Sa andang alima ang poder

tanan nga ebidensya pwede islan.

Wara’t magapamati nga korte

sarang nga itagoon ang hustisya

sanda man ang gahusga kang kamatayon.

Amo dya ang sitwasyon

lai run gid sa kabukidan

sa ngaran kang Oplan Baganihan--

nga para “kuno” sa banwa.

Indi run maisip ang rulubngan

kang sibilyan nga ginpaingtan.

-a translation of “Salot ng Bayan” originally written in Tagalog by a revolutionary poet who is known by the name of Gem Aramil

Poetry in Translation: serve and protect by Himig Laya

“serve and protect”

(magsirbi kag magprotekta)

ni Himig Laya

ginsaylo sa Kinaray-a ni Ulysses V. Espartero

23 Hulyo 2012

Sa kabaryuhan duro ang pagkaon

Bugana ang pangabuhi

Pareho kabugana kun isipon mo ang militar

Sa kagamay kang banwa, mas duro pa tana sanda.

“serve and protect”

(magsirbi kag magprotekta)

amo ran ginatarabitab kang sungad nanda

magsirbi kag magprotekta gid bala

O naga intel kaw lang?

Sin-o ang pagasirbihan mo sa kagamay kang pumuluyo

Ukon ang pangita mo hay gamo?

Sa mga tawo nga gapanggapkap kang hustisya

Kahilwayan, amo ran ang lagas ..

Bisan ano nga pagpahadlok, pagkoot, pagpatalang

ang pumuloyo pirmi kag padayon, hustisya ang ginasagap.

-a translation of “serve and protect” originally written in Filipino by a revolutionary poet who is known by a pen name of Himig Laya

Poetry in Translation: Eansang Nga Lapis by George Calaor

Lansang Nga Lapis

ni George T. Calaor

ginsaylo sa Kinaray-a ni Ulysses Espartero

23 Hulyo 2012

Bangod sa kadulom kang bulsa ni Lolo

Lansang ang lapis ni tatay

Sim kag kahoy ang ana ginsulatan

Kag sa indi maisip nga pokpok

Ako hay nangin maestro.

-a translation of “Eansang Nga Lapis” originally written in the Aklanon language by a revolutionary poet who is known by the name of George Tumaob Calaor

This poetry in translation is a work in progress as there are words that I find difficult to translate in the regional language of Kinaray-a. Be that as it may, I wish to extend my cordial invitation for you to read my thoughts on poetic verses and check my blog site STROKES OF MY HAND via http://yulespartero.blogspot.com

Poetry in Translation: Kapayapaan at Kaunlaran by Linnea Masalanta

Kahilwayan kag Pag-ugwad

ni Linnea Masalanta

ginsaylo sa Kinaray-a ni Ulysses Espartero

23 Hulyo 2012

Suyudon ang kabalayan

sagapon ang dapat sagapon

kag kun wara it makit-an

mag-imbento kang makasasala

Hulaton nga magkanta ang matunugan

Pero kung indi

Balikan nga balikan

Hasta nga mahurma ang hadlok kag kulba

Pabay-an ang mga gasiringgiyaw nga mga bata

Paganakawan ang mga balay-balay

Kang nagakatuhay-tuhay nga kinahanglanon

Kag kon may magbatok

Hugtan ang kapot sa takawan

Pitkon ang gatilyo

Kag magharakhak tapos malingaw

malingaw sa kalinungan nga hatod ninyo

malingaw sa pag-ugwad nga aton handom

Sa lawas nga nakahamyang

nga magahatod sa inyo pabalik

pabalik sa kun diin kamo naghalin

pabalik sa inyo agalon nga totoy.

-a translation of “Kapayapaan at Kaunlaran” originally written in Tagalog by a revolutionary poet who is known as Linnea Masalanta

Poetry in Translation: Interogasyon by Rustom Casia

Interogasyon

ni Rustom Casia

ginsaylo sa Kinaray-a ni Ulysses Espartero

23 Hulyo 2012

Tanan nga gusto

ko hambalon hay

nangin baras

sa kada

nagapamangkot nga

kasa kang M-14,

M-30, M-203 kag M-16

Nakasukbit sa

akon abaga ang

kakulba

Mabalik kuno sanda.

-a translation of “Interogasyon” (Interogation) originally written in Tagalog by a revolutionary poet who is known as Rustom Casia

Poetry in Translation: Makahiya by Franco Sangreo

Huya-Huya

ni Franco Coralde Sangreo

ginsaylo sa Kinaray-a ni Ulysses Espartero

18 Hulyo 2012

Maramig

mabatian

maskin kuba-kub

sa akon dughan.

Karinyosa

pero

kun kis-a

parasungon.

Metikulosa

bibig

indi basta

mahaduan

Angkuna,

pero

dapat handa

mapilasan.

-a translation of “Makahiya” originally written in Tagalog by Franco Sangreo Coralde

Poetry in Translation: Mahiyaing Matapang by Franco Sangreo

Huruy-on Nga Maisog

ni Franco Coralde Sangreo

ginsaylo sa Kinaray-a ni Ulysses Viriña Espartero

18 Hulyo 2012

Gusto ko nga sapdingon

makolor nga bugkos

ang kaanyag daw sa rosas

Pero kang akon kusipadon

nagpabaya man,

galing ako duguan.

-a translation of “Mahiyaing Matapang” originally written in Tagalog by Franco Sangreo Coralde

Poetry in Translation: Dalagita by Jack A. Alvarez

Dalagita

ni Jack A. Alvarez

ginsaylo sa Kinaray-a ni Ulysses Espartero

23 Hulyo 2012

Pira run kaw ka dag-on?

Ang pamangkot kang may bitbit nga M16

Nagdungok ang soltereto.

Siguro, sweet sixteen.

Nagkirnadlaw sanda.

Gusto mo bala?

Ang sagda kang may kapot kang beer

Nagturo ang luha kang soltereto

Siguro, hadlok kay Sir.

Nagkirnadlaw sanda.

Nagdalagan parayo sa barracks

Bitbit ang kainosentehan

Kag kasing pait kang durumdumon

Nga kang kis-a ginbunyagan kang beer

Ang natalangan nga dalagita.

-a translation of “Dalagita” originally written in Tagalog by a revolutionary poet who is known as Jack A. Alvarez

Poetry in Translation: Punla Ng Tula by Franco Sangreo

Binhi Kang Binalaybay

ni Franco Coralde Sangreo

ginsaylo sa Kinaray-a ni Ulysses Espartero

18 Hulyo 2012

Gaisaranhon man sa pagtan-aw

Kampo kang mga mayad

Ginahurma sa init

Ang maanyag nga rima

Maskin sa sulod kang dyip;

…mapusa ang binalaybay.

Sa liwat nga pagdulom

Ang pinsar magapanginaon

Sari-sari nga karan-onon.

Katimbang ang mal-am

Magasagap sa kabikidan

Matam-is nga pukyutan

… magadara kang binhi.

-a translation of “Punla ng Tula” originally written in Tagalog by Franco Coralde Sangreo

Pages