Ang Dugo Kag Lana
ni Pett Regno Candido Ginsaylo sa Kinaray-a ni Ulysses V. Espartero
January 24, 2011
Malisod magpabalhas sa kaharian nga bantog sa lana –
Nagadugo ang akun irong sa pagbuka kang lupa
Kag ginakurog ako sa pagtunaw kang yelo
Pero gin-antos ko run lang ang pagpasunog kang panit
Kag paggal-om kang akon mata sa pagbagyo kang balhas
Agud indi pag-Somalyahon ang mga mata kang akon pamilya.
Pero matapna bala kang akon petro-dolyares ang sakit kang akun kahidlaw?
Makit-an ko bala ang pagbahol kang akun mga bata sa pagtinan-aw kang mga karnero kag kamel?
Mahambal bala kang PLDT ang nabatyagan kang akon pamilya?
Mapukaw bala ako kang mga kumpyuter, nga akon pirmi ginabalbal kang tudlo, kun ako hay ginabangungot?
Ang lana hay solo pa gid namon kadya
Maskin mabug-at pa gid ang dugo
Nagalutaw pa gid ang lana Hay sa rum-an
Ludhan ko pa ang dya nga sulo gihapon.
