ni Bienvenido A. Ramos
ginsaylo sa Kinaray-a ni Ulysses V. Espartero
23 Enero 2011
Ginahampak kang balod
Ang pader
Sa baybay
Nga ginhimo kang oras.
O, ano gadalum ang lawod
Ang manuglangoy nalunod.
O, ano galinong ang baybay
Nga wara kang dulunan.
Ang monumento nagapuntirya
Sa indi maabot nga kalangitan;
Ang baganihan talawan
Sa manabaw nga baybay.
Ang mga lumbay
Hay ginagumok kang kahig,
Nagakarira nga baroto
Kang pagpalangga kag kaugot
Kun ang sambilog hay mangin darwa,
Ang darwa mangin sambilog.
Ang pader hay gumok run,
Ang mga hilamon, laya run.
