ni Elizabeth Barrett Browning
ginsaylo sa Kinaray-a ni Ulysses V. Espartero
23 Enero 2011
Paano ta ikaw palanggaon? Paisipa ako kang mga paagi.
Palangga ta ikaw sa kadalom kag kalapad kag kataas
Nga maabot kang kalag, kun ang pamatyag hay marayo sa panan-aw
Para sa katapusan kang kabuhi kag sa hamiling grasya.
Palangga ta ikaw sa kataas kang adlaw
Nga pinakamalinong nga kinahanglanon, sa kahayag kang adlaw kag kang kandila.
Palangga ta ikaw nga may kahilwayan, parehas kang tawo nga nagasagap kang Kamatuuran.
Ginapalangga ta ikaw kang dalisay, sa andang paghalin sa Pagbayaw.
Palangga ta ikaw nga may kainit nga paggamit
Sa mga daan ko nga mga kasubo, kag sa kabataon ko nga pagsalig.
Palangga ta ikaw nga may pagpalangga nga daw madura
Sa may nadura ko nga mga santos, --- Palangga ta ikaw nga may pagginhawa,
Mga hiyom-hiyom, mga luha, sa tanan nga kabuhi ko! kag, kon pilion kang Dios,
Labaw pa gid ang pagpalangga kanimo sa pagtaliwan ko.
