by Ulysses Viriña Espartero
22 Hulyo 2012
Kun ako tinuga kag wara’t animo
gusto ko magamutwa
pareho kang lana sa disyerto
padayon kag wara’t kapuhayan
nga pag-ilig
nga daw tuburan nga indi mamarhan.
Gusto ko mangin lana
hay tana
daw sa karinyosa nga bayi
gina-awayan kang mga poderoso nga laki
halin sa Iran palibot sa anom
ka pungsod sa golpo
hasta sa kalapadan
nga maabot
kang ana madanlog
nga likido.
Ay abaw, daw sa ano kasiling nga bulawan!
ginahandom nga maangkon
kang Amerika
kag bilog nga kalibutan.
Daad ako isara ka lana …
nagatanyag kang kalipay
nga indi matungkad
simbolo kang kakusog
kag minahan kang kasanag
kag minahan kang kasanag
para sa tanan nga katawhan!
