Sa Akon Pag-uli
translated to Kinaray-a by Ulysses Viriña Espartero
Dali, Ging, ibhan mo ako nga saulohon liwat
ang taramnan. Lagson ta ang mga alibangbang
kag manggong manggong, parehot dasig kang anda
nga pagkabanhaw sa aton nga paminsaron.
Ay hood gali, magalaba ako sa rum-an.
Indi mo paghambalon nga mga pakete run
kang Downy, Surf kag Tide Ultra ang mga isda kag
mga orang ang nagalangoy sa sapa. Sa diin run lang
sagapon ni Nonoy ang ramig nga gina ugayong kang
baligya na nga baka? Kag ang amon nga pagkahidlaw,
sa diin namon itagoon kun pati ang akasya
natumba run sa bagrot kang chainsaw?
Ging, maskin ang kaidlab kang alitaptap,
handurawon ko run lang sa imong mga mata.
-a translation of Genevieve L. Asenjo’s “Sa Aking Pag-uwi” (Homecoming)
