wara’t dugo
nga nag-ilig sa akon
mga hita sa una nga gabi-i
kang ana nga pagsurong.
Gangawngaw kadungan
sa anang pagsurong-
mutwa ang mga singgit
kag akon mga ugayong: sakit, hapdi
pagbanog
pero ginlumos kang ana
nga pagduda ang kasagradohon
kang akon nga pagkawara’t-animo
daw si Othello tana nga nangin taga-
huwis kang akon pagka bayi:
birhen o puta?
Wara’t dugo
nga nag-ilig halin
sa akon mga hita.
nagguwa dya sa baba
ko kag nagsaro sa nagamara
nga balhas kag luha.
-a translation of Genevieve Asenjo’s “Trahedya Ng Isang Birhen”
